Постановление Президиума АНА относительно издания книги И.Р.Марыхуба

06.12.2017 22:16

     6 декабря на заседании Президиума Академии наук Абхазии обсуждался факт выхода книги Игоря Марыхуба «Против фальсификации вопросов истории Абхазии». Члены Президиума осудили провокационный, антинаучный характер издания, заметив, что даже обсуждение содержания книги может привести к расколу в обществе. Члены Президиума АНА подчеркнули, что ответственность ученого, сотрудника научного учреждения системы АНА не совместима с провокациями подобного рода.

     По итогам обсуждения было принято Постановление Президиума АНА, в котором руководству АбИГИ им. Д.И. Гулиа рекомендовано рассмотреть вопрос о целесообразности дальнейшего пребывания старшего научного сотрудника И. Марыхуба в коллективе института.

 

Аҧсны Аҭҵаарадыррақәа ракадемиа апрезидиум ақәҵара

     Ааскьа иҭыҵыз, «Аҧсны аҭоурых азҵаарақәа реицакра аҿагылара» ҳәа хьӡыс измоу И.Р. Марыхәба икьыҧхьымҭа – аҭҵаарадырра иашахаҭа иацәыхароу, аемоциеи, амбициеи, харамхәыцреи ирхылҿиааз акоуп. Изаҟаразаалак ақәшаҳаҭхашьа амам ашәҟәы актәи адаҟьа инаркны ахыркәшамҭанӡа цәаҳәа ҟаҧшьны иагәылсуа ахшыҩҵак: аҧсуа милаҭ абжьыуааи абзыҧқәеи ҳәа ҩ-гәыҧкны ршара аҽазышәара.

     Аҧсуаа акыр ижәытәтәиу, аха хыҧхьаӡарала имаҷу жәларуп, дара урҭ иҟоугьы гәыҧ-гәыҧла ршара ҧхьаҟатәи рымҩа зҿаҟәо, измырӷьацо хҭысхоит. Дыбзыҧтәума, дыбжьыуатәума, дсамырзаҟантәума, кыр зылшаз, кыр ҟазҵаз ауаҩҧсы ижәлар рзы, аҧсуа жәлар зегьы рзы иҟаиҵеит, урҭ рыхәҭак рзы акәымкәа. Убри аҟнытә, иагьхшыҩдароуп, иагьшәарҭоуп ажәлар абас «анахьтәиқәа, арахьтәиқәа» ҳәа ршара, уимоу реиҿаргылара, зыӡбахә ҳамоу акьыҧхьымҭаҿы ишыҟоу еиҧш.

     Абас еиҧш иџьбараны, аиаша иацәыхараны ажәлар рыбжьара ахынҭаҩынҭара зырҵысуа аҩымҭа ҧаршеи акьыҧхьра, жәаҳәарада, иалыршатәӡам. Убри аҟнытә, Аҧсны Аҭҵаарадыррақәа ракадемиа апрезидиум ақәҵара аднакылоит:

 

1.      И.Р. Марыхәба икьыҧхьымҭа «Аҧсны аҭоурых азҵаарақәа реицакра аҿагылара» хатәҭыжьымҭоуп, аҭҵаарадырра иашахаҭахь ус амам.

2.      Аринахыс иалыршатәым рецензиа змам, аинститут аҟәшақәеи аҵарауаа рхеилаки рҿы изыхцәажәам аусумҭа аҭыжьра.

3.      Д.И. Гәлиа ихьӡ зху Аҧсуаҭҵааратә институт анапхгареи аҵарауаа рхеилаки ақәмыршаҳаҭӡакәа, насгьы имаҵуратә ҭыҧ ихатә усаҿы ихы иархәаны, мыцла еибарку ашәҟәы аҭыҵра ахьалиршаз азы, Аҧсны Аҭҵаарадыррақәа ракадемиа апрезидиум акьыҧхьымҭа автор иусураҿы иааныжьра ҟалом ҳәа аҧхьаӡоит.

4.      Д.И. Гәлиа ихьӡ зху Аҧсуаҭҵааратә институт анапхгара ирабжьгазааит аҭҵаарадырратә усзуҩ еиҳабы И.Р. Марыхәба аусураҿы иааныжьра ахьынӡаҧсоу азҵаара иахәаҧшырц, Аҧсны азакәан инақәыршәаны.

5.      Академик-маӡаныҟәгаҩ идҵазааит Аҧсны Аҭҵаарадыррақәа ракадемиа иаҵанакуа аҭҵаарадырратә усзуҩцәа русумҭақәа ркьыҧхьра аиҿкаашьазы аҧҟара ашьақәыргылара.

 

Пресс-служба Академии наук Абхазии